នៅថ្ងៃទី 25 ខែ មិថុនា ឆ្នាំ 2024 វិទ្យាស្ថានជាតិអប់រំបានរៀបចំព្រឹត្តិការណ៍ដ៏សំខាន់មួយ ក្រោមអធិបតីភាពលោក ថៃ ហេង នាយករងវិទ្យាស្ថាន។
ប្រធានបទ “ការស្វែងយល់ពីសុខភាពផ្លូវចិត្ត និង គន្លឹះសាមញ្ញដើម្បីថែទាំខ្លួនឯង ” ត្រូវបានរៀបចំឡើងដោយគម្រោង Mental High ហើយបានធ្វើឡើងនៅសាលប្រជុំធំនៃវិទ្យាស្ថានជាតិអប់រំ។
ព្រឹត្តិការណ៍នេះមានគោលបំណងគឺ ដើម្បីណែនាំគរុនិស្សិតពីសុខភាពផ្លូវចិត្ត សារសំខាន់នៃសុខភាពផ្លូវចិត្ត ការអនុវត្តគន្លឹះក្នុងការថែទាំខ្លួន និងស្វែងរកការជួយដែលត្រឹមត្រូវពេលជួបប្រទះនឹងការតានតឹងចិត្ត និងបញ្ហាផ្លូវចិត្ត។
ជាពិសេសការផ្លាស់ប្តូរការគិតខុសពាក់ព័ន្ធនឹង សុខភាពផ្លូវចិត្ត និងជំងឺផ្លូវចិត្តបើកចិត្តទូលាយក្នុងការគាំទ្រគ្នាទៅវិញទៅមក និងបញ្ជូនទៅរកសេវាវិជ្ជាជីវៈប្រសិនចាំបាច់។
លោក ថៃ ហេង បានសង្កត់ធ្ងន់លើតួនាទីសំខាន់នៃសុខភាពផ្លូវចិត្ត និងផ្លូវកាយ ក្នុងការសម្រេចបានជោគជ័យ ដោយលោកបានគូសបញ្ជាក់ថា ភាពជោគជ័យផ្អែកលេី គុណភាពនៃជីវិតដែលមានសុខភាពល្អ ទាំងផ្លូវកាយនឹងផ្លូវចិត្ត។
ព្រឹត្តិការណ៍នេះបានទទួលជោគជ័យយ៉ាងត្រចះត្រចង់ ដែលធ្វើឱ្យអ្នកចូលរួមទទួលបានព័ត៌មានកាន់តែប្រសើរ និងមានលក្ខណៈគ្រប់គ្រាន់ក្នុងការថែរក្សាសុខុមាលភាពផ្លូវចិត្តរបស់ពួកគេ។
